شبكة شايفك: «أنا توبت من المشاهد دي».. حلا شيحة تتبرأ من «مش أنا» وتفتح النار على تامر حسني (صور)


حلا شيحة

شنت الفنانة حلا شيحة هجومًا واسعًا على الفنان تامر حسني، ووجهت إليه رسالة تعبر فيها عن استيائها من بعض المشاهد التي جمعتهما معًا في فيلمهما الأخير “مش أنا”.
وكتبت “حلا”، عبر حسابها على موقع الصور الشهير “انستجرام”، قائلة: “أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصًا بعد آخر بوست نزلته ووضحت فيه أنا ايه”.

وتابعت: “اتفاجئت أكتر خصوصًا بعد وعد تامر حسني ليا وتأكيده إنه حيحترم رغبتي وبعض الطلبات اللي طلبتها منه بكل احترام وود الصيف اللي فات و أكد لي إنه حيحترم رغبتي”.

وأضافت: “إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح”.

وأشارت إلى أنها: “بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسى.. أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا”.

واستكملت حديثها: “الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن.. إحنا كلنا عندنا امتحان في الدنيا دي وحابة أفكرك شاهد ده يا تامر اللي قولت فيه أنا مش بتمنى أموت وأنا مطرب أنا دايما خايف من كده.. كلام أكيد قولته في لحظة صدق جواك و جوانا كلنا”.

وجهت “حلا” حديثها لتامر حسني، وقالت: “شوفه تاني يمكن يفكرك إن جواك أكيد في صراع وأنا وأنت وكلنا كلنا بنغلط بس المهم في الآخر نتدارك الغلط و نصلح.. {إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.
«أنا توبت من المشاهد
«أنا توبت من المشاهد

فيلم “مش أنا” بطولة: تامر حسني، وحلا شيحة، وسوسن بدر، وماجد الكدواني، وإخراج سارة وفيق.

وحقق الفيلم إيرادات مرتفعة، منذ طرحه، بدور العرض السينمائية، قبل أسبوعين، تخطت الـ100 مليون جنيه.
قد يعجبك ايضا
نسعد بتعليقك